Tetovë, sonte nata e fundit e Festivalit Teatror

 

“U ndjeva shumë mirë para publikut të Tetovës, jam shumë e lumtur që kishin ardhur shumë njerëz për ta parë dhe pritja e festivalit të Teatrit ka qenë vërtet mbresëlënëse. Mendoj se kjo monodramë nuk është realitet vetëm për gratë shqiptare, por kjo temë tema e vetmisë, është një temë mbarë botërore. Nuk u përket vetëm grave, mund t’i përkiste edhe një burri. Vepra mund të quhej edhe “Burri i thyer”. Autorja ka qenë një aktiviste e grave në vitet e 60-ta.”, - theksoi aktorja, Adriana Tolka.

 

Koordinatori i Festivalit ndërkombëtar të Teatrove, Muzafer Etemi, kërkoi falje publikut, i cili edhe mbrëmë qëndroi në këmbë, shkaku kushteve. Etemi tha se ne do të vazhdojmë të sjellim shfaqje Tetovës edhe me këto kushte që kemi.

 

“Është nata e dytë që duhet t’u kërkoj falje atyre që ishin në këmbë dhe e përcollën shfaqjen me shumë kureshtje deri në fund. Por këta janë kushte, ky lloj i shfaqjes kërkon sallë të vogël, kushte specifike, por ne ato kushte nuk i kemi dhe improvizojmë një sallë këtu prapa në skenë. Natyrisht kam qenë dhe jam kritikues i atyre që duhet ta bëjnë punë e tyre, po ndërtohet andej, teatri se deri kur do të ndërtohet, nuk e dimë. Këto janë kushtet tona. Me këto kushte mundohemi t’i servojmë publikut tetovar shfaqje, sepse ka nevojë për një gjë të tillë.”, - theksoi koordinatori i FNTT-së, Muzafer Etemi.

 

“Krokodili” do të jetë shfaqja e fundit në kuadër të festivalit  që sonte do ta sjellin para publikut tetovar, aktorët e Teatrit shqiptar për fëmijë dhe të rinj, Shkup.