Strugë, trotuaret e larta pengesë për lëvizje me karrocë

 

“Për nënat dhe personat të cilit lëvizin me ndihmën e një karroce, lëvizja në qytetin e Strugës është një Një tjetër problem shumë i madh është edhe mungesa e rampave, shembull është ura e drurit e Strugës, ku ka një ramp edhe pse ajo rampë është e papërshtatshme sepse pjerrtësia e asaj është aq e madhe sa më shumë rrezikon lëvizjen se sa lehtëson për fëmijën, mos flas për personat që lëvizin me karrocë. Ndërkohë nga ana tjetër ka vetëm shkallë dhe ti duhet ta mbajsh karrocën në krahë.”, tha Shefkije Alasani Dika, aktiviste, nënë. 

 

Një tjetër problem shqetësues është edhe fakti se nga mungesa e parkingjeve, trotuaret mbushen me vetura të cilat parkohen, sidomos gjatë verës, që e bën edhe më sfiduese që të lëvizin personat me karrocë. Qasja është e vështirë edhe në pjesën më të madhe të institucioneve dhe bizneseve private.

 

“Unë si nënë kam përjetuar eksperiencat nga më të ndryshmet, një fakt tjetër është që shpesh trotuaret janë të zëna nga makinat të cilat janë të parkuara, detyrohem me vajzën e vogël të ecë në mes të rrugës e nga ana tjetër shoferët të cilët janë të revoltuar e bërtasin se ku po shkon në mess të rrugës, është një realitet i dhimbshëm.Është dukuri normale në bankë nëse shkon është e pamundur të hysh me karrocë me fëmijë sidomos me sistemin e ri të sigurisë ku duhet të kalosh me dy dyer. Mungesa e rampave është normale, në fakt çuditesh kur një institucion apo biznes privat ka rampë, është për të ardhur keq.”, tha Dika.

 

Nga komuna e Strugës për TVM2 thonë se janë duke punuar në drejtim për të lehtësuar lëvizjen e qytetarëve. Ata premtojnë marrjen e masave konkrete për zgjidhjen e këtij problemi.