Dardani shënon gjashtë gola në kampionatin slloven

Dardan Shabanhaxhaj është sulmuesi shqiptar ( Austri – Kosovë) që po shkëlqen me fanellën e Murës, teksa ka arritur në shifrën e gjashtë golave në elitën e Sllovenisë.  Të dielën Shabanhaxhaj realizoi golin e vetëm për Muran  në barazimin 1-1 me Radomljen në transfertë.

22-vjeçari shënoi për 1-0 në minutën e 25-të, ndërkohë që vendasit më pas barazuan shifrat. 

Në 13 paraqitje me fanellën e Murës, Shabanhaxhaj ka regjistruar edhe dy asistime. Mura ka 15 pikë nga 13 ndeshje dhe mban vendin e gjashtë në kampionatin e Sllovenisë.