Hendboll: Lazarov largoi katër hendbollistë nga ekipi

Kire Lazarov vendosi të udhëtojë me 18 hendbollistë në Selanik, për dy ndeshjet miqësore me Greqinë, që Maqedonia e Veriut do t'i luajë nesër dhe të shtunën nga ora 17:30, si uvertyrë e përgatitjeve për Kampionatin Evropian të janarit.

Katër lojtarë u larguan nga lista me 22 emra. Në lëndime të lehta janë ankuar plejmejkeri Marko Mitev dhe mbrojtësi Edvin Omeragic, ndaj për të mos rrezikuar Lazarov i ka lënë në Shkup.

Nga kombinimi ranë edhe më i riu në mesin e katër pivotëve, Marko Stojkovic, si dhe Emilian Gjorgovski, qendra e majtë e Pelisterit.

Përfaqëseusja e Maqedonisë së Veriut u stërvit mëngjesin e sotëm në Autokomandë të Shkupit, ndërsa gjatë ditës ka udhëtuar për në Selanik, aty ku do ta shfrytëzojë natën për pushim dhe nesër në orën 17:30 me orën lokalë në vendin tonë, do të luajë të parën nga dy kontrollueset kundër Greqisë vendase.