Stuhia godet Shqipërinë, nga shkëputja e një objekti lëndohet një polic

 

Në kryeqytetin e Shqipërisë, lumi Lana doli nga shtrati, duke shkaktuar përmbytjen e disa bizneseve dhe banesave në katet e para të ndërtesave. Reshjet e dendura, shiu dhe stuhia e fortë, ka shkaktuar përmbytje në disa pika në autostradën dhe rrugën dytësore Tiranë-Durrës. Po ashtu, si pasojë e këtyre përmbytjeve është bllokuar qarkullimi në korsinë Tiranë-Durrës.

 

Nga era e fortë, janë këputur degët e pemëve në autostradë. Policia Rrugore po punon për heqjen e tyre nga autostrada, me qëllim përmirësimin e qarkullimit rrugor. Kryetari i Bashkisë Tiranë, Erion Veliaj u ka bërë apel qytetarëve që të minimizojnë lëvizjet pas stuhisë së shiut, me ç’rast një efektiv policie ka mbetur i plagosur, pasi në kohën që ka qenë në detyrë, një objekt është shkëputur dhe e ka goditur.