Masakra e Sopotit, u përurua kulla muze

 

“Pikërisht ditë e shtunë 4 nëntorë i vitit 1944, 79 vite më parë gjatë LDB në atë ditë të nëtorit të ftohtë qe ditë e kobshme për shqiptarët e sidomos për Sopotasit. Mu në këtë ditë u bë masakrimi i 64 fëmijëve, djemëve, dhe burrave, duke filluar nga fëmiu 7 vjecar e deri tek i moshuari 84 vjec, kjo masakër u krye nga egërsirat çetniko partisankjo masakër ndër më të mëdhat për të lënë në harresë në historinë e popullit tonë të shumë vuajtur u bë në afërsi të një tjetër fshati të Sopotit gjegjësisht në fshatin Sushevë”, tha mes tjerash, Limani.

 

“Ata fëmijë që janë vrarë për tvetmin qëllim janë vrarë vetëm pse janë shqiptarë e jo për diçka tjetër, kështu kanë qenë porositë e Çobrulloviçit e të Grashaninit, shqiptarët vrisni masakroni, friksoni, dëboni.Por ama shqiptarët linden si feniksi dhe tamam i ngjanë proverbit popullorë “Barin sa më shumë e korr, aq më shumë rritet”. Ne jemi në truallin tonë jemi në tapitë e të parëve tanë dhe nuk i lëshojmë ”, theksoi mes tjerash, Ahmeti.

 

“Ju po bëni një punë jashtëzakonisht të mirë sot që po përjetësoni këtë masakër me monumente e muze, dhe po u a leni brezave amanet se si duhet ti dilet Zot vendit, se si duhet të jetohet, të punohet por nëse e do nevoja edhe të vdiset për këtë tokë”, tha mes tjerash, Bislimi.

 

“Dua të falenderoj kryetarin e shqiptarëve të RMV, Ali Ahmetin, për kontributin dhe mundësinë për të mbrojtur vlerat shqiptare aty ku jemi të gjithë ne. Është një ditë e krenarisë por edhe e sakrificës”, u shpreh, Arifi.

 

Në kuadër të këtij manifestimi, kryetari i Këshillit organizativ Shukri Masurica të gjithë individëve dhe ndërmarrjeve të ndryshme u ndau mirënjohje. Kjo Kullë muze do të shërbejë si udhërrëfyes historik për masakrën çnjerëzore ndaj popullatës civile të të gjitha moshave 79 vjet më parë.