Tiranë, deputetët e Berishës futen në Kuvend nga dritarja

Flamur Noka, i përjashtuar, fillimisht ka kapërcyer kangjellat, por garda e nxori jashtë. Më pas një sjellje e pazakontë vjen nga ligjvënësit opozitarë, të cilët ngjiten mbi kondicionerë dhe hyjnë nga dritaret duke u ndihmuar nga kolegët brenda.

 

Deputeti Gazment Bardhi paralajmëroi se do të ketë një tjetër kallëzim penal ndaj kryetares së Kuvendit.

 

“Ky është shpërdorim i pastër detyre, që do t’i bashkëngjitet kallëzimit penal për Lindita Nikollën.”, - u shpreh Gazment Bardhi.

 

Për shkak të situatës kaotike, mazhoranca vendosi që punimet e komisioneve kuvendore t’i zhvillojë online.

 

Këto tensione vijnë në të njëjtën ditë që ish-kryeministri, Sali Berisha, duhet të paraqitej në Prokurorinë e Posaçme SPAK, lidhur me akuza për privatizimin e ish-klubit sportiv “Partizani”. Ai nuk pranoi të paraqitej për të dëshmuar, ndërsa pritet të vendoset një masë më e ashpër sigurie, bazuar në kodin e procedurës penale.