Raporti i KE-së, VMRO: Raporti tregon se Qeveria është e korruptuar

 

 

“Raporti qartë tregon se korrupsioni mbetet e përhapur në shumë fusha dhe është çështje shqetësuese. Në vend të shtetit ligjor kemi sundimin e arbitraritetit. Në vend të një reforme të fortë, ne kemi institucione të prapambetura. Problemi pse Maqedonia nuk i fillon negociatat nuk janë marrëveshjet e dëmshme apo mosndryshimi i Kushtetutës nën diktatin e dikujt, por për atë se shteti nuk është realisht i reformuar dhe prandaj në vend të drejtësisë ka një qeveri të ngecur në krim dhe korrupsion!”, - deklaroi Marija Miteva nga VMRO-DPMNE. 

 

 

Nga ana tjetër, sipas LSDM-së, raporti i KE-së konfirmoi faktet se  VMRO-DPMNE-ja dhe e Majta janë frenat e përparimit drejt BE-së. Problemi kyç për raportin e Komisionit Evropian dhe vërejtjet në të, sipas LSDM-së është bllokimi i Kuvendit, për të cilën përgjegjëse është opozita.

 

“Theksohet nevoja për miratimin e ndryshimeve kushtetuese dhe reformave për BE-në, të cilat po i bllokojnë pikërisht DPMNE-ja dhe Mickoski. Bllokada e DPMNE-së dhe të Majtës është edhe për kapitujt që kanë të bëjnë me luftën kundër korrupsionit, që do të thotë se DPMNE-ja ishte dhe mbetet kundër drejtësisë. Komisioni tregon qartë se Maqedonia ka përparuar në 81 për qind të kapitujve dhe nuk ka ngecje në asnjë kapitull.”, - theksoi Bogdanka Kuzeska nga LSDM. 

 

VMRO-DPMNE-ja së bashku me të Majtën, sipas LSDM-së janë të vetmet parti antievropiane, që janë pengesat më të mëdha në rrugën evropiane të vendit.