Prezantohet Raporti i Progresit për RMV-në në Qeveri, Gir: Raporti i drejtë dhe i sinqertë, plotësoni detyrimet!

 

“Reformat janë absolutisht me rëndësi themelore. Sa i përket procesit aderues lidhur me ndryshimet kushtetuese, është e qartë Marrëveshja se tashmë i kemi filluar bisedimet, skriningu po rrjedhë mirë, kërkesa për udhërrëfyesit është miratuar. Hapi i radhës është identifikimi dhe lëvizja drejt bisedimeve për klasterin e parë, që varet nga ndryshimi i Kushtetutës. Duam ta inkurajomë pushtetin, institucionet shtetërore, si dhe të gjithë aktorët politik, që të bëjnë më shumë për fushat ku nuk është arritur progres apo është shënuar proces i kufizuar.”, - deklaroi euroambasadori, Dejvid Gir. 

 

 

Fusha e gjyqësorit dhe korrupsionit ku raporti i progresit adresoi kritika më të ashpra, nuk është e panjohur për zëvendëskryeministrin për eurointegrime, Mariçiq. Thotë së këto probleme duhet t’i zgjidh sistemi gjyqësor si i pavarur, me ndihmën e aksionit politik qeveritar. Megjithatë konsideron se vazhdimin e procesit eurointegrues nuk e ka kushtëzuar raporti, por mospërmbushja e kushteve të propozimit francez.

 

“Vazhdimi i mëtejshëm nuk është i lidhur me këtë raport, por me ndryshimet kushtetuese. Ne, mungesat e këtij raporti duhet t’i vëmë në listë si detyra gjatë negociatave, por a do të shkojmë në fazën e radhës, varet nga miratimi i ndryshimeve kushtetuese. Pranimi i ndryshimeve kushtetuese mbetet parakusht të cilin nuk do të mundemi ta anashkalojmë dhe këtu nuk ka dilemë se vendimi është në duart tona. Pozitë e rrejshme është se RMV-ja ka luksin të presë ose mund të arrijë marrëveshje më të mirë në të ardhmen.”, - theksoi zëvendëskryeministri, Bojan Mariçiq.

 

Autoritetet vendore mirëpresin letrën zyrtare të Këshillit të BE-së për t’i përgatitur udhërrëfyesit për hapjen e klasterit të parë, që çon më afër bisedimeve, por përkujtojnë se epilogu i ndryshimeve kushtetuese është viza reale që mundëson vazhdimin e mëtejmë të procesit eurointegrues.