Komisioni për Zgjedhje dhe Emërime, Marija Janiçevska u propozua drejtore e ATO-s

 

“Zonja Marija nga muaji mars i vitit 2019-të e deri më tani ka pozicion këshilltar shtetëror për punë të përgjithshme dhe të përbashkëta në Agjencinë Operative Teknike - ATO. Nga 2015-ta deri në vitin 2019-të ka ushtruar detyrën e ekspertit juridik për mbrojtjen e të dhënave personale në kompanitë A1 dhe ONE. Nga viti 2008 e deri në fund të vitit ka qenë pjesë e misionit të OSBE-së në Shkup.”, - deklaroi kryetarja e Komisionit për Zgjedhje dhe Emërime, Marija Georgievska.

 

Vendimin për përzgjedhjen e drejtorit të ri të ATO-s, Kuvendi e miratoi më 5 shtator, në prag të skadimit të mandatit pesëvjeçar të drejtorit paraprak, Zoran Angellovski. Emërimi i drejtorit të ri bëhet me dy të tretat e votave të deputetëve në Kuvend, pa të drejtën e rikandidimit pas përmbylljes së mandatit. Agjencia Teknike Operative si organ i pavarur shtetëror u formua pas reformave në ish-DSK-në, Drejtorinë për Sigurinë Kombëtare, pas skandalit me përgjimet masive. DSK-ja u transformua në ASK, Agjencinë për Siguri Kombëtare duke mbajtur për vete pjesën më të madhe të kompetencave, ndërkaq ingerencat teknike ndaj pajisjeve për përgjim iu transferuan ATO-s.