Problemi me mbeturinat në Tetovë, qytetarët: Të zgjidhet sa më parë

 

“Nuk bën aspak, katastrofë! Të gjitha janë të mbushura plotë, qentë endacak i nxjerrin, i hedhin në rrugë.”, - theksoi një qytetar. 

 

“Askush nuk punon për shtet e për popull.”, - theksoi një qytetar tjetër. 

 

“Qyteti nuk është i pastër, duhet punuar, ato janë të vetëdijshëm për këtë situatë.”, - u shpreh një qytetar. 

 

 

Ndërsa, sot kreu i komunës se Tetovës, Bilall Kasami, nënshkroi marrëveshje më një kompani sllovene, e cila pritet që shumë shpejtë të marrë menaxhimin me mbeturinat në Komunën e Tetovës.

 

“Marrëveshja përfshin grumbullimin, transportimin dhe deponimin e mbeturinave komunale. Bëhet fjalë për një marrëveshje gjithëpërfshirëse në komunën e Tetovës, jo vetëm për pjesën e qytetit. Nga momenti i marrjes në kompetenca dhe menaxhimi nga partneri privat, do të largohet edhe deponia lokale që është për momentin. Transfer-stacioni do të operojë në kuadër të stacionit që është paraparë në fshatin Falisht.”, - deklaroi kryetari i komunës së Tetovës, Bilall Kasami. 

 

Përndryshe, në Tetovë janë me dhjetëra  deponi të egra, të cilat me vite presin pastrimin e tyre.