Ligji për mbështetje financiare, Bytyqi: Numri i kompanive po rritet çdo ditë e më shumë

 

“Si qeveri që ofron mbështetje financiare për kompanitë në industrinë ushqimore, synimi ynë është të promovojmë rritjen ekonomike, vende të reja pune, por edhe sigurinë e ushqimit dhe inkurajimin e inovacionit në sektor.  Vetëm në rajonin e Shkupit janë përkrahur 181 kompani, të cilët kanë marrë rreth 1 miliard e 200 milion denarë ndihmë financiare për ciklin e tyre investues. Ne do t’i përgjigjemi besimit duke ndryshuar ligjin për mbështetjen financiare të investimeve për një pagesë të garantuar prej 100% për secilën kompani, në mënyrë që në të ardhmen pagesa e mbështetjes të mos varen nga vullneti i askujt.”, - deklaroi zëvendëskryeministri, Fatmir Bytyqi. 

 

Afaristi, Hajrun Sulejmani, kompania e të cilët është shfrytëzues i ndihmave qeveritare thotë se në këto  kohë  krizash mbështetja  është e mirëseardhur dhe ka ndikuar në rritjen e kompanisë së tij për 10%. 

 

“Ndihmat e qeverisë në këto kohë krize kompanitë tonë e kanë ndihmuar tepër, kështu që jemi shfrytëzues të këtyre ndihmave që i ndan Qeveria. Gjithashtu kemi shfrytëzuar edhe ndihmat nga IPA fondet me shumë deri në 1 milion e gjysmë dhe në thirrjen e fundit kemi bërë një aplikim ku investimi do të jetë diku rreth 1 milion e 400 mijë euro. Kjo ndihmë diku 10% ka ndikuar në ngritjen kompanisë.”, - theksoi afaristi, Hajrun Sulejmani.

 

Qeveria nëpërmjet ligjit për mbështetje financiare ka ndihmuar  919 kompani, të cilat në ciklet e tyre investuese kanë shfrytëzuar diku rreth 100 milion euro përkrahje shtetërore.