Takimi Kovaçevski-O’Brajan, vendi të vazhdojë rrugëtimin evropian

 

Krahas marrëdhënieve dypalëshe, në takim u bisedua edhe për tema të tjera aktuale për rajonin dhe më gjerë. Kryeministri Kovaçevski e njoftoi ndihmës sekretarin O'Brajan me zhvillimet e fundit të brendshme politike në Maqedoni dhe me prioritetet e Qeverisë në politikën e jashtme. U konfirmua rëndësia e Maqedonisë si faktor i stabilitetit dhe sigurisë në rajon, si dhe u nda domosdoshmëria për vazhdimin e qetë të rrugës së saj të integrimeve evropiane, që është edhe në interes të Shteteve të Bashkuara.

 

Ndihmës sekretari i shtetit, O'Brajan, ripohoi qëndrimin se Shtetet e Bashkuara i shohin si partnerë të natyrshëm ata që janë të përkushtuar ndaj integrimit evropian, NATO-s dhe forcimit të demokracisë. Përshëndeti progresin e arritur deri më tani të vendit në disa fusha dhe shprehu pritjen që vendi të vazhdojë në rrugën e progresit.