Biden dhe Xi Jinping takohen javën e ardhshme në SHBA

Presidenti amerikan Joe Biden dhe presidenti kinez Xi Jinping do të takohen javën e ardhshme në zonën e Gjirit të San Franciskos, thanë dy zyrtarë të lartë të administratës.

 

 

Palët pritet të diskutojnë për luftën Izrael-Hamas, Tajvanin, luftën në Ukrainë, ndërhyrjet në zgjedhje, dhe çështje të tjera, sipas zyrtarëve amerikanë.

 

Marrëdhëniet midis dy vendeve u përkeqësuan në fillim të këtij viti.

 

SHBA-ja e akuzoi Kinën se kishte dërguar një tullumbace spiune në hapësirën e saj ajrore. SHBA, e kishte rrëzuar atë në brigjet e Karolinës së Jugut.

 

Kryeparlamentarja e atëhershme Nancy Pelosi kishte vizituar Tajvanin vitin e kaluar.