Eurointegrime, Osmani: Pjesëmarrje në vendimet e BE-së para anëtarësimit

 

“Nëse Maqedonia e Veriut është e harmonizuar 100% me politikën e jashtme të sigurisë, përse unë nuk jam pjesë e Këshillit për Punë të Jashtme të Unionit Evropian? Nuk është patjetër të kem të drejtën e votës derisa nuk jemi anëtarë,  megjithatë, duhet të jem në tavolinë, ashtu siç duhet të jemi në tavolinë gjithkund ku jemi të harmonizuar me reformat dhe standardet e Bashkimit Evropian.”, - deklaroi ministri i Jashtëm, Bujar Osmani.

 

 

Osmani foli edhe për  përpjekjen për pjesëmarrjen e ministrit të Jashtëm rus, Llavrov, në Samitin e Këshillit Ministror të OSBE-së. Kjo organizatë për momentin ballafaqohet me mbarimin e mandatit të 4 organeve më 4 dhjetor, për çka sipas Osmanit,  për arsye të mungesës së konsensusit, skenari më i mirë është vazhdimi i mandateve edhe për një vit.

 

“Shpresoj se do të kemi sukses të jemi të gjithë këtu të pranishëm, me qëllim që të mund të sjellim vendime të rëndësishme për mbijetimin e OSBE-së.”, - theksoi ministri i Jashtëm, Bujar Osmani.

 

 

Ambasadori amerikan në OSBE, Majkëll Karpenter, pjesëmarrjen e ministrit rus në Samit e sheh me pritje të ftohtë, për shkak të sulmit të tyre ndaj Ukrainës. Në samitin e OSBE-së pret pjesëmarrjen e sekretarit amerikan, Antoni Blinken, por nuk zbulon informacione të sakta.

 

“Është  e qartë se asnjë ministër nuk do ta presë Segej Llavrovin duar hapur. Atë që Rusia ia bën Ukrainës është absolutisht e tmerrshme, por në fund të ditës OSBE-ja është organizatë inkluzive dhe ka 57 vende anëtare.”, - u shpreh ambasadori amerikan në OSBE, Majkëll Karpenter.

 

Këto komente u thanë në forumin mbi të ardhmen e qëndrueshme të rinisë së OSBE-së, me pjesëmarrje të përfaqësuesve të të rinjve nga vendet anëtare të Organizatës për Siguri dhe Bashkëpunim.