Shqipëria ka pesë fitore kundër Moldavisë
15.11.2023 14:28
Kombëtarja shqiptare e futbollit luan këtë të premte kundër Moldavisë në transfertë...
Kombëtarja shqiptare e futbollit luan këtë të premte kundër Moldavisë në transfertë. Ndeshja e vlefshme për grupin “E” kualifikues për “Gjermania 2024” është një finale për Shqipërinë e cila kërkon të nisin fluturimin e saj për në Gjermani. “Kuqezinjve”, iu nevojitet një pikë që për herë të dytë të luajnë në fazën finale të një Europiani. Të dyja kombëtares janë takuar gjashtë herë në fushë, me tanët që kanë fituar pesë duele dhe kanë barazuar një (në miqësore). Të pesta takimet e fituara nga kuqezinjtë janë në kuadër të kualifikueseve europiane, me të parë që daton më 29 marsin e 1995, 3-0. Më pas, në ndeshjen e kthimit për po atë tur kualifikues, kuqezinjtë ia dilnin të fitonin 2-3 në transfertë. Përballjet e radhës kundër Moldavisë datojnë në vitin 2019, me Shqipërinë që fitonte dy takimet e Euro 2024, 2-0 në Elbasan dhe 0-4 në transfertë.
Përballja e fundit mes dy skuadrave ishte disa muaj më parë në "Air Albania", për ndeshjen e parë mes tyre në grupin E kualifikues të Euro 2024. Kuqezinjtë ia dolën të merrnin tri pikë falë fitores 2-0 me gola të Asanit dhe Bajramit. Dueli i 17 qershorit ishte debutues për Sylvinhon në Tiranë, me trajnerin brazilian që mori tri pikë, kjo pas humbjes 1-0 në Poloni. Barazimi i vetëm me Moldavinë daton në 15 gushtin e 2012 në "Qemal Stafa" (ish-Air Albania), kjo në një miqësore 0-0. Në grupin E kualifikues, Shqipëria me 13 pikë mban vendin e parë, ndjekur nga Çekia me 11-të, Polonia me 10-të, Moldavia me 9-të dhe Ishujt Faroe me vetëm një pikë.