Ministri i Jashtëm hungarez në Shkup: RMV-ja t’i hapë bisedimet reale

 

 

“Bashkimi Evropian është dobësuar seriozisht dhe pyetja është si ta përmbledhim këtë dobësim? Mund ta përmbledhim nëse i kthehemi logjikës normale njerëzore. Hapi i parë për kthimin e logjikës  do të ishte të pranosh se Bashkimi Evropian ka nevojë për Ballkanin Perëndimor. Të pranohet se BE-së i duhet ai moment, ajo energji e freskët, ai aktivitet dhe zhvillimi i shpejtë i ngjarjeve që vijnë nga Ballkani Perëndimor. Zgjerimi i Unionit duhet të përshpejtohet menjëherë me Maqedoninë e Veriut dhe bisedimet reale të fillojnë menjëherë.”, - deklaroi ministri i Jashtëm i Hungarisë, Peter Sijarto. 

 

 

Ministri Osmani, me apel të përditshëm deri tek opozita që të mënjanojë pengesën e vetme para nesh dhe t’i votojë ndryshimet kushtetuese, pa miratimin e  të cilave vendi rrezikon ngecje në aspiratat eurointegruese.

 

“Biseduam për sfida të përbashkëta, për perspektivën evropiane të Maqedonisë së Veriut, për shansin e papërsëritshëm para nesh dhe natyrisht për nevojën e konsensusit të brendshëm për ndryshimet kushtetuese, që duhet të garanton të ardhmen evropiane të vendit.”, - theksoi ministri i Jashtëm, Bujar Osmani. 

 

Dy homologët u ndalën edhe për tatimin e vendosur nga Bullgaria për tranzitimin e gazit natyror, të cilën e quajtën jolegale dhe paralajmëruan mundësinë për ankesë të koordinuar deri tek Komisioni Evropian, në mënyrë që të tërhiqet  tatimi bullgar.

 

Ministri Sijarto u përgjigj dhe në pyetjen e gazetarëve për joekstradimin e ish-kryeminstrit, Gruevski, për çka tha se kjo punë është  e  gjyqësorit dhe jo e diplomacisë. Për ministrin Osmani, ish-kryeministri Gruevski duhet të kthehet në vend dhe të ballafaqohet me drejtësi.