Raporti i KE-së para deputetëve, Gir theksoi përparimet, por edhe kritikat e Unionit

 

 

“Flamuri evropian do të duhet të përdoret vetëm nëse gjatë miratimit, ligji ka të bëjë me standardet evropiane. Po keqpërdoren format e miratimit të ligjeve me procedurë të përshpejtuar për t’u afruar me legjislaturën evropiane. Megjithatë kjo formë nuk është këtu për të keqpërdorur ligjin për procedurë penale, ku dukshëm u shkurtuan procedurat nga 38% në 58%. Kjo do të thotë se do të duhet që të ngritet propozim-projekt për procedura në kuadër të Parlamentit për miratimin e këtyre ligjeve, gjithashtu është zvarritur edhe procedura e ndryshimeve kushtetuese.”, - deklaroi euroambasadori, Dejvid Gir. 

 

Zëvendëskryeministri për eurointegrime, Bojan Mariçiq, theksoi rëndësinë e zbatimit të reformave. Plani për zhvillim të ekonomive të vendeve të Ballkanit Perëndimor, sipas Mariçiqit mbështet integrimin e vendeve aspirantë.

 

“Me 1 miliardë euro të ndara për Maqedoninë e Veriut, ne disponojmë me mjete për finalizimin e reformave, sipas kritereve evropiane dhe uljen e dallimeve në zhvillimin ekonomik në vendet anëtare në BE.”, - theksoi zëvendëskryeministri për eurointegrime, Bojan Mariçiq.

 

 

Nga VMRO-DPMNE-ja thanë se Maqedonia në raport barazohet me zero në pjesën e drejtave themelore, funksionim e gjyqësorit, si dhe luftën kundër korrupsionit.

 

“Kjo paraqet kthim të dukshëm mbrapa në këto tre fusha kyçe, si pasojë e moszbatimit të suksesshëm të politikave nga koalicioni në pushtet BDI dhe LSDM. Në pjesën e korrupsionit shfaqet brengosje serioze për pasojat nga ndryshimi i Kodit Penal.”, - u shpreh deputeti i VMRO-DPMNE-së, Antonio Milloshovski.

 

 

Nga LSDM-ja thonë se fokusi do të duhet të vihet në transparencën e sistemit gjyqësor, por edhe zhbllokimin e dialogut politik.

 

“Kjo do të thotë se VMRO-ja po bllokon progresin, kjo do të duhet të ndërpritet menjëherë dhe të nisin të punojnë në mënyrë konstruktive dhe të dalin nga orli i tyre si bllokues të vazhdueshëm të të gjithë proceseve demokratike.”, - theksoi deputeti i LSDM-së, Darko Kaevski.

 

Deputetët u dakorduan që të takohen sërish në një takim të radhës për të harmonizuar kërkesat që dalin nga udhërrëfyesi i BE-së, për të cilin ky institucion ka shënuar se ka ngecje.