7 të vdekur dhe 41 të plagosur në një atentat kamikaz në Afganistan

Shtatë persona u vranë dhe 41 të tjerë u plagosën në një atentat kamikaz të talebanëve në Lashkar Gah, kryeqytet i provincës Helmand, në jug të Afganistanit, të cilët kishin vënë në shënjestër drejtues të provinces.

 

Kamikazi, i cili qarkullonte në bordin e një kamioni, ka shpërthyer eksplozivin pranë një kompleksi imobiliar ku ndodhej shtëpia e  guvernatorit te zones. 

 

Atentati kishte si shënjestër një grup zyrtarësh politik, anëtarësh të shoqërisë civile dhe gazetarësh të mbledhur për një seminar mbi trafikimin e qenieve njerëzore dhe rrëmbimet. Mes të plagosurve është edhe Omar Zhak, zëdhënës i guvernatorit të provincës. 

 

Atentati u mor përsipër nga talebanët nëpërmjet faqes në rrjetin social ”Tuitter” të zëdhënësit Zabihullah Mujahid.