Stoltenberg filloi turneun ballkanik, të martën do të vizitojë RMV-në

“Ne jemi të shqetësuar për retorikën  përçarëse, si dhe për ndërhyrjet e huaja keqdashëse, duke përfshirë edhe Rusinë. Kjo kërcënon të minojë stabilitetin dhe të pengojë reformat. Të gjithë liderët politikë duhet të punojnë për ruajtjen e unitetit, ndërtimin e institucioneve kombëtare dhe pajtimin. Kjo është thelbësore për ruajtjen e  stabilitetit të  sigurisë së vendit. NATO-ja ka qenë e përkushtuar ndaj Bosnje dhe Hercegovinës për shumë vite. Siguria juaj është e rëndësishme për rajonin e Ballkanit Perëndimor dhe është e rëndësishme për Evropën.”, - deklaroi sekretari i përgjithshëm i NATO-s, Xhens Stoltenberg.

 

“Dua të them se bashkëpunimi me NATO-n na jep mundësinë për përmirësimin e sigurisë, përmirësimin e aftësive tona mbrojtëse. Ne marrim pjesë në misionet paqeruajtëse ndërkombëtare dhe në këtë mënyrë përmirësojmë fuqinë e forcave tona të armatosura, dua të theksoj se këta elemente sigurojnë që ne të mund t'u përgjigjemi në mënyrë adekuate të gjitha sfidave, përfshirë këtu edhe terrorizmin dhe krimin e organizuar  dhe të gjitha kërcënimet e tjera që mund të përbëjnë rrezik, jo vetëm në Bosnje dhe Hercegovinë, por edhe në tërë botën.”, - theksoi kryeministrja e Bosnje dhe Hercegovinës, Borjana Kristo. 

 

Pas Bosnjës, Stoltenberg vizitoi Kosovën ku NATO-ja së fundi dërgoi ushtarë shtesë në misionin e KFOR-it, pas tensioneve në veri të vendit. Politikanëve kosovarë  dhe  të martën presidentit serb, Vuçiq, Stoltenberg do t'u dërgojë kërkesë për rikthimin e negociatave Prishtinë-Beograd si e vetmja zgjidhje për uljen e destabilizimit. Pas Sarajevës, Prishtinës dhe Beogradit, sekretari i Përgjithshëm i NATO-s do të arrijë në Shkup, ku përveç kreut  shtetëror do të takohet edhe me shtetet aleate Slloveninë, Malin e Zi dhe Shqipërinë. (Flutura Latifi, TVM2)