Italia, Sllovenia dhe Çekia shkojnë në EURO

Italia është kualifikuar në Euro 2024, por me shumë vështirësi. Të hënën në ndeshjen vendimtare për kualifikim, Italia barazoi pa gola me Ukrainën. Italisë i mjaftonte barazimi, ndërsa Ukrainës i është dashur fitorja për të shkuar në Evropian.

Ndeshja e luajtur në Leverkusen të Gjermanisë nuk ofroi gola. Italia përfundoi e dyta në Grupin C me 14 pikë, sa i ka edhe Ukraina në vendin e tretë. Anglia e ka fituar grupin me 20 pikë. Italia ka rrezikuar më shumë, por edhe Ukraina kishte rastet e saj. Të dy portierët bënë pritje vendimtare. Në fund festuan lojtarët e Italisë.

Vizën për në EURO 2024 e siguroi edhe Sllovenia e cila në Ljubljanë me 2:1 e mundi Kazakistanin. Ishte kjo një përballje e dytë në të cilën dy skuadrat vendosnin për fatin e tyre.

Sllovenëve në këtë ndeshje do ju kryente punë edhe barazimi, por në fund i morrën të tria pikët. Kështu Sllovenia pas plotë 24 viteve për herë të parë do të luaj në evropian. 

Danimarka më herët e kishte siguruar pozitën e parë në grup, ndërsa në ndeshjen e fundit në Belfast u mundën me 2:0 nga Irlanda e Veriut.

Të hënën u nda edhe bileta e dytë nga grupi E.  Biletën e parë e kishte prerë Shqipëria, ndërsa për të dytën në Olomouc, përballeshin Çekia dhe Moldavi.

Vendasve iu nevojitej 1 pikë, ndërsa mysafirët e kishin patjetër të fitojnë. Në fund çekët triumfuan me 3-0.

Shqipëria barazoi pa gola me Ishujt Faroe dhe kjo ishte e mjaftueshme për vendin e parë në grup. E dyta Çekia po ashtu me 15 pikë, por më e dobët në përballjet mes vete me “kuqezinjtë”. Polonia 11, ndërsa Moldavia 10 pikë.