Rasti "Alfa" në Gjykatën Supreme, mungesa e gjykatëses anulon seancën

 

“Unë përsëri jam pesimist në aspektin e asaj që një ditë para seancës, për arsye të një gjykatëse duhej të presim një muaj. Duke pasur parasysh që ne kemi dorëzuar një ekspertizë, një super-ekspertizë tash e 21 muaj, ku Gjykata e Apelit na e vonoi 16 muaj, Gjykata Supreme tash e 5 muaj e vonoi të njëjtën, e zvarriti lëndën për Almirin, kështu që nuk di unë, nuk kam koment. Ditën e sotme e kam pritur si ditë të madhe, por në fakt doli një ditë e vogël si 15 vjet me radhë.”, - theksoi familjari, Ramiz Dauti. 

 

Avokati i Almir Derplaninit, Asmir Alispahiq, beson se super-ekspertiza do ta zgjidh këtë rast.

 

“Ka një ekspertizë serioze që është parashtruar në Gjykatën Penale, ku po sqarohen shumë fakte se të akuzuarit nuk janë pjesëmarrës në ngjarjen, e cila ndodhi më 26 nëntor të vitit 2008.”, - u shpreh avokati mbrojtës, Asmir Alispahiq.

 

Trupin gjykues në këtë rast e përbëjnë gjykatësit, Xhemali Saiti, Shpend Devaja, Elica Kërstevska, Mirjana Llazarevska dhe Anita Boshkovska. 26 nëntori i këtij viti shënon 15 vite nga vrasja në fakultetin matematiko-natyror në Shkup, rast për të cilin më burg të përjetshëm u dënuan: Rexhail Qerimi, tashmë i ndjerë; Agim Islami dhe Almir Derplanini. Seanca e radhës u caktua për 25 dhjetor.