Stoltenberg në Shkup, në fokus siguria botërore dhe e rajonit

 

 

Stoltenberg pas takimit me kreyministrin Dimitar Kovaçevski, ku në fokus kishin sigurinë globale dhe të rajonit, tha se Aleanca e Veriut është vigjilente dhe vlerëson mbështetjen e Maqedonisë së Veriut.

 

“Ne nuk shohim kërcënim ushtarak që do të vinte nga Rusia, kundër cilido aleat të NATO-s, ose ndaj rajonit, por jemi vigjilent. Nga afër vëzhgojmë se çfar bën Rusia dhe do të mbetemi të bashkuar. Ne kemi përfaqësi ushtarake në rajon nëpërmjet KFOR – it dhe jemi të gatshëm që shpejt të forcohemi dhe të bëjmë gjithçka që duhet që të mbrojmë cilindo aleat nga ndonjë kërcënim”, u shpreh sekretari i përgjithshëm i NATO-s, Jens Stoltenberg.

 

 

 

“Kuptohet se ndikim të vendeve të treta, përfshi ndikimin rus, ekzistojnë në rajon. Ato gjithmonë janë në mundësi të gjejnë bashkëmendimtarë në individë, parti të caktuara politike dhe organizata, megjithatë ato nuk janë as afër asaj që posedojnë institucionet tona dhe vendet anëtare të NATO-s dhe shërbimet e sigurisë që të jenë në gjendje të bëjnë destabilizim të shtetit tonë”, theksoi kryeministri Dimitar Kovaçevski.

 

 

Në kuvend para deputetëve, Stoltenberg pasi numëroi benefitet me anëtarësimin në NATO, kërkoi nga deputetët unitet në rrugëtimin drejt BE-së.

 

“Anëtarësimi në BE do të përforcojë demokracinë tuaj dhe sundimin e të drejtës dhe do të mundësojë jetë më të mirë për rininë. Të gjitha partitë politike kanë përgjegjësi që të punojnë së bashku dhe ta lëvizim vendin para. Prej këtu I’u inkurajoj që të vazhdoni të punoni siç keni punuar për anëtarësimin në NATO, ta kompletoni udhëtimin tuaj drejt familjes europiane”, u shpreh Stoltenberg.

    

Stoltenberg ka takuar edhe presidentin e shtetit Stevo Pendarovski, ndërkohë që të mërkurën do të jetë nikoqir I samitit të vendeve anëtare të rajonit në NATO, përpos Maqedonisë së Veriut, Shqipërisë, Malit të Zi, Kroacisë dhe Sllovenisë. Në këtë takim do të diskutohen sfidat e sigurisë në rajon, me theks të veçantë Bosnjen dhe Kosovën.