Zjarri në Falishtë vihet nën kontroll, në vijim bëhet analiza e ujit të pijshëm

Qendra për menaxhim me kriza  njofton se është vënë nën kontroll zjarri i cili e përfshiu  fabrikën e bojës dhe llakut në afërsi të fshatit Falishë të Komunës së  Tetovës.

Në vendngjarje vërehet  tym i dendur, por ka intervenuar   ekipi i zjarrfikësve nga Tetova, i cili e kontrollon situatën dhe po ashtu ka polici për sigurimin e lokacionit.

Sipas informacioneve në Qendrën për menaxhim me kriza  në terren është edhe ekipi  Qendrës  për Shëndet Publik Tetovë për të kontrolluar ujin e pijshëm.

Sipas informatave të tyre, rezultatet do të jenë gati brenda pak ditësh.

Nga kjo qendër njoftojnë se gjendja e ujit do të jetë e mirë, pasi pusi nga i cili nxirret uji ishte 50 metra i thellë.