Komisioni për Antikorrupsion, propozohen anëtarët e rinj të KShPK-së, dominojnë revizorët dhe të punësuarit në KShPK

Shumica e përbërjes së re të KShPK-së do të përbëhet nga auditorë – tre nga shtatë anëtarët vijnë nga Enti Shtetëror i Auditimit. Bëhet fjalë për Zoran Bogoevskin, Cveta Ristovskën dhe Tatjana Dimitrovskën. Dy nga anëtarët tashmë janë të punësuar në Komisionin Kundër Korrupsionit,  Biljana Karakashova Shulev dhe Besnik Xhemaili. Servet Demiri vjen nga Agjencia e Investimeve dhe e vetmja gjyqtare në komision është gjyqtarja nga Gjykata Themelore Civile Shkup, Sofia Spasova Medarska, bashkëshortja e avokatit Filip Medarski. Përzgjedhja e këtij komisioni tani do të shkojë para komisionit parlamentar për zgjedhje dhe emërime dhe më pas do të votohet në seancën plenare të Kuvendit.