Diplomaci, Fajon: Tejkaloni ndryshimet kushtetuese

 

“Shfrytëzoj rastin që t’u bëj thirrje të gjitha partive politike përgjegjëse në vend që t’i bëjnë hapat e nevojshëm siç është ndryshimi i Kushtetutës që të mundet ky proces i zgjerimit të vazhdojë. Kjo është një përgjegjësi ndaj shtetasve të vendit dhe  është vendim kyç, që të mundet RMV-ja të shkojë drejt ardhmërisë evropiane. Sot zgjerimi është bërë urgjencë gjeostrategjike në një mënyrë për shkak të konflikteve dhe luftërave nga njëra anë, agresioni rus dhe konflikti në Lindjen e Mesme.”, - deklaroi zëvendëskryeministrja dhe ministrja e Punëve të Jashtme të Republikës së Sllovenisë, Tanja Fajon.

 

 

Sllovenia gjithmonë ka qenë e zëshme në mbështetjen e fuqishme për zgjerimin e BE-së me vendet e Ballkanit Perëndimorë ku si prioritet ka parë gjithmonë RMV-ja, por çdo hap i ardhshëm në procesin e negociatave do të varet nga ne, shprehet zëvendëskryeministri për Çështje Evropiane, Bojan Mariçiq.

 

“Javën e ardhshme e rrumbullaksojmë tërësisht procesin e skriningjeve shpjeguese bilaterale dhe më tej vetëm prej nesh do të varet çdo hap i ardhshëm në procesin dhe dinamikën negociatave. Pranimi i ndryshimeve kushtetuese mbetet parakusht i vetëm dhe kryesor që të vazhdojmë më tej, ndërsa çdo shtyrje dhe pasiguri e negociatave për anëtarësimin tonë të plotë do të ishte një vendim politik i papërgjegjshëm dhe i rrezikshëm.”, - theksoi zëvendëskryeministri për Çështje Evropiane, Bojan Mariçiq. 

 

Me këtë rast të dy homologët nënshkruan memorandumin për bashkëpunimin ndërkombëtar për zhvillim për periudhën 2023-2024. Me këtë marrëveshje janë ndarë 2 milion e 100 mijë euro mjete nga Sllovenia, të dedikuara për zhvillim, të cilat do të investohen në 5 projekte infrastrukturore.