Liverpool, Marseille, Roma dhe Villarreal shkojnë tutje

 

Të enjten mbrëma, Leverkuseni fitoi edhe në udhëtim ndaj Hackenit suedez 2:0, në ndeshjen e pestë të Grupit H të Ligës së Evropës. Humbjen e fundit, Leverkuseni në ndeshje zyrtare e ka pësuar më 27 maj të këtij viti. Granit Xhaka ishte në bankën rezervë në këtë ndeshje. Leverkuseni e ka siguruar kalimin tutje me 15 pikë nga pesë ndeshje. Hackeni mbetet pa pikë.

 

Marseille ka mposhtur në një ndeshje të jashtëzakonshme Ajaxin me shifrat 4-3. Sfida ka qenë tepër emocionuese dhe me intensitet tepër të lartë. Marseille siguron kualifikimin për në fazën e eliminimit direkt, ndërsa Ajax shpreson në ndeshjen e fundit të futet në Conference League.

 

Liverpool ka fituar në “Anfield” 4-0 ndaj LASK, me anglezët që sigurojnë kalimin në fazën tjetër jashtë grupeve. Roma ka ngecur në transfertë ndaj Servette me rezultatin 1-1, por italianët kalojnë në fazën tjetër.