Përfundoi pauza humanitare në Gaza, Izraeli ka vrarë 54 palestinezë brenda tre orëve

 

"Isha në gjumë kur dëgjova zhurmën e gurëve që binin. Pas kësaj, dëgjova zërat e vëllezërve dhe motrave të mia dhe unë shkova tek ata. Pastaj dëgjova njerëzit që filluan të gërmojnë. Ata erdhën dhe na nxorën jashtë.", - u shpreh banorja e Gazës, 10-vjeçare, Reem.

 

"Ne ishim duke fjetur në shtëpitë tona, duke u përgatitur për t'u zgjuar dhe për të përgatitur mëngjesin për fëmijët, kur papritmas shtëpia jonë dhe fqinjët tanë ishin në shënjestër. Nuk e dija se çfarë ndodhi me djemtë dhe vajzat e mia.”, - theksoi banorja e Khan Jounis, Amal Abu Dagga.

 

"Ishim në shtëpi, duke dëgjuar lajmet, kur filloi bombardimi, pasi e prisnim. U bëmë gati për këtë. Aeroplani bombardoi, duke shkatërruar shtëpinë tonë. Kjo është shtëpia jonë e dytë që është shkatërruar.”, - tha banori i Khan Jounis, Jameel Abu Dakka.

 

"Shtëpitë tona u granatuan derisa ishim brenda dhe kemi rreth shtatë të plagosur.”,  - u shpreh banori i Khan Jounis, Anas Abu Dagga.

 

Autoritetet izraelite akuzuan Hamasin për shkeljen e kushteve të një armëpushimi të përkohshëm. Shtetet e Bashkuara të Amerikës, Katari edhe Egjipti po vazhdojnë përpjekjet për të arritur një marrëveshje mes dy palëve, edhe pse luftimet kanë rifilluar. Armëpushimi çoi në lirimin e më shumë se 110 pengjeve që mbaheshin në Gaza, por rreth 140 mbeten në robëri. Po ashtu rreth 300 palestinezë janë liruar nga burgjet izraelite.