Nju Jork, katër të vrarë në një sulm me thikë

Katër persona, përfshirë dy fëmijë, janë vrarë, dhe tre të tjerë janë plagosur, pas një sulmi me thikë në Kuins të Nju Jorkut.

Policia i ka gjetur viktimat në një shtëpi, së cilës i është vënë flaka.

Burri i dyshuar i ka therur dy zyrtarë policorë, para se të qëllohej me armë zjarri nga njëri prej zyrtarëve të plagosur.

Policia beson se të gjitha viktimat kanë vdekur prej sulmeve me thikë.

Policia e Nju Jorkut e ka identifikuar të dyshuarin si Kërtni Gordon, 39-vjeçar, i cili është arrestuar më parë për dhunë familjare në Bronks.

Ai ka qenë duke i vizituar disa anëtarë të familjes në Kuins, në kohën e sulmit.