Izraeli përmes sistemit të pompave ujore tenton vërshimin e tuneleve të Hamasit

Izraeli pretendon se po avancon ofensivën e tij në Rripin e Gazës pas intensifikimit të sulmeve drejt jugut. Këto janë sulme të sakta të bazuara në të dhënat e inteligjencës kundër qendrave të gravitetit të Hamasit.

 

“Ne kemi kryer disa mbyllje operacionale të forcave tokësore së bashku me forcat ajrore që kanë rezultuar në eliminimin e terroristëve dhe infrastrukturës terroriste. Forcat tokësore po veprojnë në terren, terroristët po dalin nga tunelet, forcat ajrore po sulmojnë dhe po përparojnë.”, tha Daniel Hagari, zëdhënës i Forcave të Mbrojtjes izraelite.

 

Një bastisje u krye në Jabalia e rrethuar në selinë e Sigurimit të Përgjithshëm të Hamasit. U gjetën depo armësh, raketash dhe pompat janë duke u instaluar në tunelet e Hamasit për të përmbytur strehët e terroristëve me ujë deti. Qindra palestinezë që dëgjuan thirrjen e Izraelit për të evakuuar mbërritën në strehimore të improvizuara në lagjen tashmë të mbipopulluar Muasi. Ndërkohë Tel Avivi u ka bërë thirrje edhe një herë organizatave ndërkombëtare në mbarë botën që të konfirmojnë sigurinë e të rrëmbyerve dhe të ndihmojnë në dërgimin e barnave dhe trajtimin e nevojshëm mjekësor.