Koço Angjushev në listën e zezë të ShBA-së

 

Nga DASh-i njoftojnë se Angjushevi është shpallur si person i padëshiruar në ShBA për, siç thuhet në njoftim, pjesëmarrje të tij në korrupsion të theksuar.

 

Nga Departamenti i Shtetit thonë se Angjushevi si zëvendëskryeministër ka keqpërdorur pozitën e tij për interesa të tij private të biznesit, duke minuar besimin e opinionit në Maqedoninë e Veriut në institucionet qeveritare.

 

“Lëvizja e sotme tregon se Shtetet e Bashkuara qëndrojnë pranë atyre në Maqedoninë e Veriut, që kërkojnë llogari nga zyrtarët e korruptuar publik”, thuhet në deklaratë.

 

Departamenti i Shtetit gjithashtu i ndaloi hyrjen në ShBA, gruas së Angjushevit, Elizabeta dhe fëmijëve të tij, Angell dhe Ognen.