Instituti “Analitika”: 14% e të rinjve në RMV, përdorues të duhanit

 

“80% e të rinjve gjatë blerjes së cigareve nuk janë penguar. Ne kemi qasje të madhe te duhani. Kemi rregullativë ligjore, por nuk kemi implementim në praktikë.”, - theksoi Tamara Mijoviq nga Analitika Tink Tenk.

 

Nga instituti “Analitika” kërkojnë rritjen e akcizës së cigareve për 30% me çka do të rritej çmimi i cigareve për 22%, me çka do të përfitonte buxheti shtetërorë, si dhe do të ndikohej në uljen e pirjes së duhanit. 

 

“Nëse u them se harxhimet e përllogaritura nga pirja e duhanit kapin vlerën e 5,6 % nga bruto prodhimi vendor do të pajtohemi të gjithë se është numër i lartë. Pikërisht për këtë insistojmë se duhet të ndikohet me çmime dhe masa tjera.”, - u shpreh Bisera Hristovska nga Analitika Tink Tenk.

 

Qendrat e shëndetit publik në vend janë të gatshme t’u ndihmojnë qytetarëve të largohen nga pirja e duhanit, thonë nga Ministria e Shëndetësisë.

 

“Ato funksionojnë dy herë në javë si terapi e përgjithshme, por me kërkesë të qytetarëve tanë që kanë dëshirë që të largohen nga shprehia e pirjes së duhanit mund të koordinohet edhe qasje individuale ndaj secilit që parashtron kërkesë.”, - theksoi zëvendësministrja e Shëndetësisë, Maja Manoleva.

 

Sipas analizave të Institutit “Analitika” do të shmangeshin 39 mijë vdekje të parakohshme tek të rriturit dhe 1,600 raste të vdekjeve tek të rinjtë.