VMRO-ja akuzon Spasovskin: Dështoi në zbardhjen e vrasjes së dyfishtë

 

“Më së paku duam që informacionet që publikojmë të kuptohen në konotacion  politiko-partiak. Por, ne jemi të obliguar të paralajmërojmë opinionin dhe të gjithë qytetarët për lëshimet në hetimin e ministrit Spasovski, si dhe për informacionet e gabuara që ata i kanë komunikuar, të cilat po të mos kishin  ndodhur, vrasësit e Vanjës do të zbuloheshin dhe vrasja e dytë nuk do të ndodhte.”, - deklaroi Dragan Kovaçki nga VMRO-DPMNE. 

 

Ndërkohë vijon ekspertiza e dy armëve të zjarrit, që lidhen me vrasjen e dyfishtë të 14-vjeçares, Vanja Gjorçevska dhe 74-vjeçarit, Pançe Zhezhovski. 

 

 

Spasovski bën të ditur se nuk do të japë më shumë  informacione për media, sepse  nuk është në të mirën e hetimit. Sa i përket informacionit se një inspektor i cili është i lidhur me hetimin e vrasjes së dyfishtë ka dhënë informacione dhe fotografi, të cilat po shpërndahen në Shkup dhe këto mund të pengojnë hetimin, Spasovski tha se gjatë kësaj periudhe ka dëgjuar shumë informacione, spekulime, por nëse ky rast është i vërtetë do të ketë përgjegjësi. 

 

“Për çdo lloj aktiviteti joligjor dhe që kryhet nga kushdo pa marrë parasysh se a është inspektor apo dikush tjetër, gjithsesi se do të ketë përgjegjësi  nëse ekziston një gjë e tillë. Megjithatë nuk do të doja që të diskutoj në nivel të spekulimeve, e në veçanti për një rast të tillë.”, - theksoi ministri i Punëve të Brendshme, Oliver Spasovski. 

 

I pyetur nëse informatat për rastin e vrasjes së dyfishtë mund të jenë në favor të të dyshuarit kryesor, Lupço Palevski, që të mos ekstradohet nga Turqia, Spasovski sërisht  decid se të gjitha spekulimet dhe gjithçka që do të bëhej publike do të ishte në dëm të hetimit që bën Prokuroria Publike.