Çështja e kontratave të punës në Shëndetësi, Mexhiti: Do ta ngre këtë çështje në Qeveri

 

“Kemi bërë grupe, kemi punuar për të, kam punuar shumë dhe nuk e di pse nuk po ndodh kjo. Dhe nesër, si anëtar i Qeverisë, si ministër i Shëndetësisë, në mënyrë shumë dinamike dhe pa kompromis do ta ngre këtë çështje, se çfarë do të ndodhë me ata që tashmë janë me kushte të caktuara nga kjo Qeveri, diku katër, pesë apo gjashtë vite me kontrata në vepër.”, - deklaroi ministri i Shëndetësisë, Fatmir Mexhiti. 

 

Mexhiti gjithashtu tha se deri në fund të majit ose qershorit 2024 do të përfundojë procesi i bashkimit të Qendrës Klinike “Nënë Tereza” në Shkup, funksionet e 33 drejtorëve ekonomikë dhe 33 mjekëve nuk do të ekzistojnë më.

 

“Deri në fund të majit ose qershorit të vitit 2024, 33 borde drejtuese, 33 drejtorë organizativë dhe 33 drejtorë mjekësorë nuk do të ekzistojnë më. Nuk do të ketë as shërbime të zakonshme që shpenzojnë 20 milionë euro në vit. Qendra Klinike do të shkrihet dhe ne nuk do ta lejojmë më këtë gjendje shëndetësore. Plani zbatohet sipas dinamikës së përcaktuar.”, - theksoi ministri i Shëndetësisë, Fatmir Mexhiti. 

 

Ministri i Shëndetësisë, Mexhiti, ka kritikuar publikisht Ministrinë e Financave për moszbatimin e marrëveshjes për të punësuarit që punojnë me kontrata në vepër.