Rekomandimet e misionit vlerësues të BE-së, sistemi gjyqësor në pikë kritike

 

40 rekomandimet kanë të bëjnë me strukturën dhe kompetencat e Këshillit Gjyqësor, mandatin e anëtarëve, vlerësimin, selektimin dhe emërimin, procedurën disiplinore, transparencën në komunikim me publikun, si dhe me financimin e Këshillit. Euroambasadori sqaroi se 23 rekomandimet tjera  kërkojnë ndryshime ligjore dhe kushtetuese dhe kanë të bëjnë me atë se kush mund të jetë anëtarë i Këshillit Gjyqësor, sa duhet ta ketë mandatin  dhe cilat mund të jenë pasojat e mandatit të gjatë. Në brifing me gazetarë nuk u shkua me detaje, por u tha se mandati prej gjashtë vitesh është i gjatë dhe rekomandohet të shkurtohet.

 

Bashkimi Evropian, siç tha euroambasadori Gir,  pret që këto rekomandime të përfshihen në politikat e reformave gjyqësore dhe gjithashtu të jenë edhe në maja të Qeverisë së ardhshme, implementimi i të cilave kërkon vullnet politik. Njëherit euromabasadori përcolli mesazhin e vetëdijes se reformat në gjyqësor janë të patjetërsueshme për integrimin e vendit dhe sipas tij, politikanët këtë detyrë e dinë shumë mirë.