Asambleja e Përgjithshme e OKB-së, rezolutë që kërkon armëpushim në Gaza

 

“Fakti i çështjes është e thjeshtë: Dhuna duhet të ndalet. Prandaj, edhe njëherë ia shtoj zërin tim kërkesës për një armëpushim të menjëhershëm humanitar. Ne kemi një prioritet të vetëm – të shpëtojmë jetë.”, - deklaroi presidenti i Asamblesë së Përgjithshme të Kombeve të Bashkuara, Denis Francis.

 

“Miratimi dhe zbatimi i projekt-rezolutës nga Asambleja e Përgjithshme, e cila specifikisht thirret për armëpushim është garancia e vetme për shpëtimin e civilëve të pafajshëm. Paragrafi gjashtë i preambulës është shumë i balancuar dhe neutral, pavarësisht nga ajo që disa pretendojnë, ai thekson nevojën për mbrojtjen e civilëve nga të dyja palët në përputhje me ligjin.”, - u shpreh përfaqësuesi i përhershëm i Egjiptit në Kombet e Bashkuara, Osama Mahmud Abdel Khalek Mahmud.

 

Përveç kërkesës për armëpushim, rezoluta shpreh shqetësim të madh për “situatën katastrofike humanitare” në Rripin e Gazës dhe vuajtjet e civilëve palestinezë, dukë përfshirë sulmet nëpër spitale. ShBA-ja propozoi një ndryshim në rezolutë për të dënuar grupin palestinez, Hamas, për sulmin e tij të 7 tetorit. Ndërsa Izraeli, mbështetjen për Palestinën e quajti të politizuar dhe qëndrimin e vendeve anëtare të njëanshëm.

 

“Asnjë copë letër, veçanërisht ajo që është miratuar nga një shumicë e politizuar e njëanshme, nuk do ta pengojë Izraelin të mbrohet kundër atyre që kërkojnë shkatërrimin tonë. Nëse synimet e këtij organi janë të drejta, pse nuk filloni duke kërkuar armëpushim vetëm nga ata që janë përgjegjës për shkeljen e dy të fundit?”, - theksoi ambasadori izraelit, Gilad Erdan.

 

Rezolutat e Asamblesë së Përgjithshme të OKB-së nuk janë ligjërisht të detyrueshme, por ato kanë peshë politike.