Samiti i BE-së, Ambasadorët: Vendim, sipas vullnetit politik

 

“E shihni se si mundet të arrihet diçka kur dëshiron? Kryeministri hungarez doli dhe u miratua vendim 26 minus 1, që i mundësoi Ukrainës dhe Moldavisë që t’i fillojnë negociatat që gjithsesi se nuk nënkupton se nesër do të bëhen anëtare, megjithatë ajo është një hap i madh. Maqedonia ka një kohë të gjatë që po lufton ndoshta 15 vite. Është pak e çuditshme, megjithatë e shohim se si faktorët politikë janë ata që më së shumti ndikojnë për një shtet se si do të rrjedhë qasja e saj në BE.”, - deklaroi anëtari i Këshillit të Ambasadorëve, Gjorgji Filipov. 

 

“Këto çështje janë të rëndësishme për disa situata të mëdha, në interes edhe të vet BE-së. Kjo qartazi është një nga situatat kur vendet anëtare të BE-së vinë në përfundim se ka situata kur duhet të vendosin në mënyrë shumë më të kujdesshme nëse janë në pyetje interesat globale.”, - theksoi anëtari i Këshillit të Ambasadorëve, Tihomir Ilievski. 

 

“Dje mes tjerash ishte e qartë se u shkatërruan të gjitha iluzionet se nuk ka qenë problemi as me Greqinë as me Bullgarinë, tani problemi është shumë më i thellë dhe kyç, gjegjësisht se BE-ja nuk ka miratuar vendim për anëtarësimin e vendeve të Ballkanit Perëndimorë si anëtare të plota të BE-së.”, - u shpreh anëtari i Këshillit të Ambasadorëve, Ivica Bocevski. 

 

Diplomatët maqedonas mbetën në qëndrimin se pavarësisht rezultateve dëshpëruese, eurointegrimi duhet të mbetet prioritet strategjik.