VMRO/LSDM, shkëmbim akuzash për euroi integrimet

 

 

“Ata nuk arritën të lobojnë asgjë për Maqedoninë vetëm sepse askush në BE nuk dëshiron një kompani kriminale dhe të korruptuar. Vendimet e fundit treguan se çdo pengesë do të ishte e mundur të tejkalohej nëse Maqedonia do të kishte një sistem të vlerave reale evropiane, një shtet ligjor, një gjyqësor dhe prokurori të reformuar dhe një luftë të fortë kundër krimit”, u shpreh zëdhënësja VMRO-DPMNE-së, Marija Miteva.

 

Nga partia në pushtet LSDM ripërsërisin se pengesa e vetme që vendi nuk I filloji negociatat e BE-në është bllokada aktive e Mickoskit dhe Apasiev në Kuvendin e Maqedonisë. Gjithashtu social demokratet thonë se  kto zgjedhje do jenë fund për bllokun antievropian të DPMNE-së dhe të majtës.

 

“Për qytetarët është e qartë se me DPMNE-në dhe të majtën nuk ka as Bashkimi Evropian, as të ardhme. Ndaj në këto zgjedhje bllokuesit aktivë, blloku antievropian i DPMNE-së dhe i së Majtës do të përballen me një ndëshkim dhe disfatë të madhe, bllokada aktive e rrugës evropiane do të bjerë brenda pak muajsh dhe do të mposhtet”, theksoi zëdhënësi i LSDM-së, Darko Kaevski. 

 

 

Ndërkohë LSDM merr mbështetje nga Partia për Ripërtritje Demokratike. Organet partiake të kësaj partie kanë vendosur që për zgjedhjet e ardhëshme parlamentare të bisedojnë për kualicion me partinë në pushtet.

 

“Këshilli qëndror I PRD-së ka sjellur vendim me të cilin e ka autorizuar këshillin ekzekutiv të nis bisedimet me LSDM-në. kemi formuar ekipë për bisedime me LSDM-në, do të shohim si do të rrjedhin bisedimet sepse ne insistojmë në implementimin e përcaktimeve tona programore, në pjesën e ambientit jetësor”, u shpreh Maja Moraçanin nga PRD. 

 

LSDM ka ftuar partit politike dhe organizatat që të bëhen pjesë e kualicionit pro evropian, për të garuar sëbashku në zgjedhjet parlamentare dhe presidenciale të vitit 2024.