Kovaçevski: Takimi me Mickoskin për emrat në Qeverinë teknike

 

“Ajo do të jetë pasi të mblidhen organet e partisë, do të ketë një mbledhje, e cila nuk do të bëhet e ditur përmes mediave, por do të bëhet një bisedë normale për zbatimin e asaj që është përcaktuar në përputhje me ligjin, pra shpërndarjen e resorëve në Qeverinë teknike, votimin e asaj qeverie në Kuvend dhe përgatitje për zgjedhje.”, - deklaroi kryeministri, Dimitar Kovaçevski.

 

Pasi partitë u dakorduan për datën e zgjedhjeve, ato kanë filluar edhe t’i peshojnë emrat e kandidatëve të mundshëm për bartës liste. Aktualisht qarkullojnë emrat e bartësve të listave parlamentare të VMRO-DPMNE-së, në mesin e të cilëve është Mickoski, Vllado Misajlovski, Dragan Kovaçki, Aleksandar Nikollovski etj. Kovaçevski është i sigurt për fitoren zgjedhore, por nuk i publikoi kandidatët e LSDM-së, që do të kundërshtojnë kryesuesit nga blloku opozitar.

 

“LSDM-ja do të ketë kandidatë që do t’i fitojnë të gjithë kandidatët që ju i numëruat.”, - u shpreh kryeministri, Dimitar Kovaçevski.

 

Zgjedhjet parlamentare në Maqedoninë e Veriut do të mbahen më 8 maj të vitit 2024, së bashku me raundin e dytë të zgjedhjeve presidenciale. Rundi i parë për zgjedhjen e presidentit të vendit do të zhvillohet më 24 prill. Ndërsa njëqind ditë para zgjedhjeve ose më 28 janar do të formohet Qeveria teknike në krye me Talat Xhaferin, si kryeministër.