Ministria e Financave, 560 milionë euro për hekurudhën drejt Bullgarisë

 

Mjetet janë siguruar nga Banka Evropiane e Investimeve, Banka Evropiane për Rindërtim dhe Zhvillim, nga BE-ja përmes grantit VBIF dhe përmes programit IPA.

 

“Me këtë rrumbullaksojmë financimin e projektit për ndërtimin e linjës hekurudhore të Korridorit 8 deri në kufirin me Bullgarinë. Kemi siguruar mjete në vlerë prej 175 milionë eurove nga Banka Evropiane e Investimeve, gjithashtu, 175 milionë euro nga Banka Evropiane për Rindërtim dhe Zhvillim, grant në vlerë prej 149 milionë eurove nga BE-ja, si dhe 60,77 milionë euro përmes programit IPA. Kjo paraqet përkrahje të konsiderueshme financiare për realizimin dhe përfundimin e këtij projekti dhjetëvjeçar.”, ka theksuar ministri Besimi, pas nënshkrimit të Marrëveshjes së huasë me Bankën Evropiane të Investimeve dhe BERZh-in në Shkup.

 

Vitin e ardhshëm, për këtë cikël investues, në Buxhetin e vendit janë paraparë 733 milionë euro.