Gjykimi për Llaskarcën, priten fjalët përmbyllëse të mbrojtjes

Në seancën e sotme është paraparë fjalë përmbyllëse të ketë mbrojtja e përgjegjësit për transport në ndërmarrje, Remzi Miftari dhe shoferi i autobusit, Manoil Trifunovski, të cilët ngarkohen për kryerje të veprave të rënda kundër sigurisë së njerëzve dhe pronës në komunikacion, si dhe mbrojtja e tre të punësuarve në stacionin për kontroll teknik, Igor Gjorgjievski, Goran Dukovski dhe Jane Bovarski, të cilët ngarkohen për pjesëmarrje në veprën e njëjtë. 

 

Prokurori Darko Jakimovski, në fjalët përmbyllëse në seancën e kaluar kërkoi dënim më të ashpër për të akuzuarit në rastin “Llaskarca”. Sipas tij, tek të gjithë të akuzuarit ekzistonte paturpësia në veprim dhe ishte çështje e kohës vetëm në cilën bazë, siç tha “kaosi i punës mund të rezultojë me pasoja të këtilla apo të ngjashme”. Dënim  të ashpër atë ditë kërkuan edhe të dëmtuarit, prindërit dhe të afërmit e të vdekurve në fatkeqësinë e komunikacionit.