Francë, rrëzimi i aeroplanit nuk besohet se ishte sulm terrorist

 

Ministri i Brendshëm i Francës ka thënë se një nga kutitë e zeza të aeroplanit është gjetur në vendin e rrëzimit, ndërsa ajo do të inspektohet menjëherë. 

 

Në Uashington, Shtëpia e Bardhë ka thënë se nuk duket që rasti të jetë si pasojë e një sulmi terrorist. “Lufthansa” që e ka në pronësi agjencinë e fluturime me çmime të lira, “Germanwings”, beson që fjala është për aksident.

 

Policia franceze në vendin e rrëzimit të aeroplanit, rreth 2 mijë metra mbi nivelin e detit, ka thënë se asnjë nga personat në bord nuk i ka mbijetuar aksidentit.

 

Të njëjtit thonë se është shumë e vështirë që të nxirren trupat e pajetë nga aty për shkak të terrenit të vështirë, borës dhe stuhive që pritet të nisin sot.