Kurti dhe Osmani: Serbia vazhdon të sfidojë sigurinë e Kosovës

 

“Kryefjala e këtij viti, e do të thoja edhe e dy viteve që shkuan, ka qenë shtrirja e sundimit të ligjit në të gjithë territorin e Republikës së Kosovës. Po e përsëris edhe njëherë mirënjohjen tonë të thellë për policinë e RKS-së, Agjencinë për inteligjencë, të gjitha institucionet tona, të cilat kanë qenë të angazhuara në mënyrë që Kosova të shtrijë sovranitetin dhe të mbrojë kufijtë e saj.”, - deklaroi presidentja e Kosovës, Vjosa Osmani Sadriu.

 

“Ne kemi pasur sfidë të madhe sa i përket sundimit të ligjit në veri të vendit, ku grupe të organizuara, të orkestruara nga Beogradi, janë përpjekur që t’i vënë në mbështetje politike krimet e tyre të organizuara. Njerëzit të cilët ne i njohim mirë nga kontrabanda dhe krimet e ndryshme gjatë këtyre viteve të pasluftës përnjëherë janë përpjekur të shfaqen si agjentë me kauza politike, por është e qartë se edhe vet popullsia atje nuk i ka mbështetur ata.”, - theksoi  kryeministri i Kosovës, Albin Kurti.

 

Duke u ndalur tek sulmi i 24 shtatorit në Banjskë të veriut të  Kosovës, Osmani dhe Kurti theksuan se ky sulm është dëshmi se Serbia ende nuk ka hequr dorë nga qëllimet hegjemoniste territoriale ndaj Kosovës.