Qytetarët thithin ajër të ndotur, partitë akuzojnë njëra-tjetrën

 

“Derisa qytetarët thithin ajër helmues me grimca PM10, kryetarët e DPMNE-së nuk bëjnë asgjë, nuk ka asnjë masë për uljen e ndotjes aktuale, e lëre më zgjidhje afatgjata për t'u përballur me ndotjen në Shkup. Kryetarët e DPMNE-së janë të interesuar për tenderë, provizione, orë të shtrenjta, ndërsa qytetarët për ta janë në fund.”, thonë nga LSDM-ja. 

 

Ndërkohë VMRO-DPMNE-ja ka akuzuar LSDM-në se për 7 vite nuk ka bërë asgjë në këtë drejtim.

 

“Ballafaqimi me ndotjen dhe ajrin e ndotur që premtoi LSD-ja duhet të pastrohet me përpjekje të përbashkëta të pushtetit qendror dhe atë lokal. LSDM-ja është një parti që ka 7 vite në pushtet dhe nuk ka ngritur gishtin. Ata nuk duhet ta ndërtojnë lumturinë e tyre mbi pakënaqësinë e të tjerëve.”, thonë nga VMRO-DPMNE-ja. 

 

Edhe në qytetin e Strumicës është regjistruar rritje e grimcave PM10. Një ndër kontribuesit për nivelin e lartë të ndotjes, pushteti lokal e sheh në kapacitetet e industrisë.

 

“Nga analizat e deritanishme që bëhen nga Ministria e Ambientit Jetësor dhe ne si komunë supozojmë se ndotja më e madhe vjen nga amvisëritë, mendohet në 50 për qind. Ajri i ndotur deri në orën 15:00 është në nivel më të ulët dhe pas orës 15:00 shohim se vlerat rriten. Kjo tregon se kapacitetet e industrisë pas orës 15:00 veç më mbyllen, nuk punojnë dhe hyjnë në përdorim amvisëritë që fillojnë të ngrohen dhe kjo tregon që amvisëritë janë ndotësit më të mëdhenj.”, - deklaroi Zorica Martinova nga Komuna e Strumicës.

 

Nga dje kanë hyrë në fuqi rekomandimet e Ministrisë së Ambientit Jetësor dhe Ministrisë së Shëndetësisë për qytetarët e komunës së Strumicës, që nënkuptojnë të gjithë punëdhënësit t’i lëshojnë gratë shtatzëna, personat mbi 60 vjeç, si dhe personat me sëmundje kronike.