Botë
Tensione në Komisionin për Zgjedhje dhe Emërime, propozimi i PPE-së të mos vendoset në votim
27.12.2023 11:47
Seanca e Komisionit Parlamentar për Zgjedhje dhe Emërime u zhvillua në një atmosferë të tensionuar...
Seanca e Komisionit Parlamentar për Zgjedhje dhe Emërime u zhvillua në një atmosferë të tensionuar, pasi deputetja e partive opozitare shqiptare, Safije Sadiki Shaini, ka kërkuar që propozimi për anëtarin e KShZ-së, Zulfi Adili, i mbështetur nga Partia Popullore Evropiane e Arijanit Hoxhës, të mos vendoset në votim. Ajo thekson se kryetari i Kuvendit, Talat Xhaferi, po tenton të sabotojë zgjedhjet. Ai ka theksuar se kjo ulëse në KShZ është e opozitës shqiptare – Alternativës dhe Besës.
Anëtarët e Komisionit nga partitë shqiptare opozitare dhe nga VMRO-DPMNE-ja filluan të trokasin në tavolina dhe të flasin proceduralisht. Për anëtar të KShZ-së është propozuar edhe kandidati Abdush Demiri, i mbështetur nga koalicioni opozitar shqiptar, Bashkimi Evropian për Ndryshim. Pas përcaktimit të kandidatit, ai duhet të votohet në një seancë të Kuvendit. Anëtari i Komisionit Shtetëror të Zgjedhjeve zgjidhet me shumicë prej dy të tretave. Pas emërimit të Krenar Llogës ministër i Drejtësisë, një vend në KShZ ka mbetur i zbrazët.