Sportet E Tjera
Ilioski dhe Akievska sportist më të mirë të Maqedonisë
28.12.2023 14:50
Agjencia për të Ri dhe Sport, bashkë me Sindikatën e Sporteve të Maqedonisë...
Agjencia për të Ri dhe Sport, bashkë me Sindikatën e Sporteve të Maqedonisë në një ceremoni zyrtare, zgjodhën sportistët më të mirë për vitin 2023 në vendin tonë.
Epiteti i sportistit më të mirë I takoi kikboksierit Boban Ilioski, që u shpall kampion i botës muajin e kaluar në Portugali, ndërsa sportisja më e mirë u zgjodh Meri Akievska, e cila edhe këtë vit u kurorëzua kampione e botës në bodybuilding. Trajneri dhe përzgjedhësi më i suksesshëm ishte trajneri i Ilioskit, Dejan Mitrovski.
Çmimi për federatën më të suksesshme shkoi për Federatën e Volejbollit të Maqedonisë, që ishte koorganizatore e Kampionatit Evropian. Përfaqësuese më e mirë e meshkujve u zgjodh ekipi i volejbollit, ndërsa epiteti i seleksionit më të mirë të femrave shkoi për skuadrën e hendbollisteve.
Sportist më i mirë i ri u shpall karateisti Vitomir Trajkovski, ndërsa sportiste më e mirë e re, gjithashtu karateistja Milijana Reljic. Notari Andrej Stojanoski u zgjodh sportisti më i suksesshëm me aftësi të kufizuara.