Kompensimi gjatë pushimit të lindjes do t’u takojë edhe lehonave të punësuara përkohësisht

Të drejtën për t’iu paguar kompensimi i pagës gjatë pushimit të lindjes, përpos grave që janë në marrëdhënie pune të përhershme, do ta kenë edhe ato lehona të punësuara përkohësisht e të cilave mund t’iu ndërpritet kontrata e punës. Kompensimin e pagës gjatë pushimit të lindjes do t’ua paguaj Fondi Shëndetësor.

 

Ushtruesja e detyrës së drejtores së fondit, Kristina Hristova, thotë se në procedurë parlamentare është edhe propozimi që fondi të vazhdojë të paguaj kompensimet për pushim mjekësor apo të lindjes pa marrë parasysh pagesës së kontributeve nga ana e kompanisë.

 

“Nëse i siguruari është në pushim mjekësor apo të lindjes, fondi këtë të drejtë do ta realizojë plotësisht për dallim nga vendimi i deritanishëm kur pagesa e kompensimit është varur nga pagesa me kohë e sigurimit shëndetësor për të gjithë të punësuarit në një kompani”- tha ushtruesja e detyrës për drejtoreshë e Fondit për Sigurim Shëndetësor, Kristina Hristova.

 

Paralelisht me këto ndryshime, fondi nga muaji maj paralajmëron lehtësimin e procedurave administrative gjatë parashtrimit të kërkesave për kompensimin e pushimit mjekësor apo të lindjes. Aplikimet do të bëhen në forma elektronike.

 

 

Përpos kërkesës, dokumentacionin tjetër të nevojshëm për procedurën administrative fondi në mënyrë elektronike do ta sigurojë nga institucionet tjera.