Ishulli Kiribati i pari mirpriti vitin e ri, njerëzit urojnë paqë në botë në vitin e ri

Të parët në botë që e mirëpritën Vitin e Ri 2024 me fishekzjarre dhe festa në natyrë janë banorët e ishullit Kiribati të Oqeanit Paqësor, ku jetojnë rreth 5000 njerëz. Pak minuta më vonë festuan edhe banorët e ishujve të arkipelagut Çatham, që është pjesë e territorit të Zelandës së Re. Turma të mëdha u mblodhën në Sidnej, Australi për një nga shfaqjet më spektakolare të fishekzjarreve të Vitit të Ri në botë. Në Nju Jork, një top u testua tradicionalisht në Tajms Skuer që numëroi minutën e fundit të vitit të vjetër.

 

“Ne po përgatitemi për t’u argëtuar.”, u shpreh një banore e Nju Jorkut. 

 

“Më pëlqen atmosfera. Çdo vit vi herët.”, tha një banore e Nju Jorkut.

 

Por magjia nuk do të ishte e plotë pa ëmbëlsirat me çokollatë. Në Marok, shitjet e ëmëlsirave janë  rritur.

 

“Numri i shitjeve u rrit për 40 për qind.”, u shpreh një puntor pastiçerie  në Marok.

 

“Ne po bëjmë dekorime të reja, si dhe kemi eksperimentuar me shije të reja që përshtaten në mënyrë të përkryer me e Vitin e Ri.”, tha një puntor pastiçerie në Marok.

 

Atmosfera e Vitit të Ri ndjehet edhe në Rusi. Banorët e Moskës shpresojnë se viti  2024 do të jetë më i mirë dhe do t'i japë fund konfliktit në Ukrainë.

 

“Shpresoj se do të bëhet mirë. Shpresoj se lufta do të përfundojë dhe dua që paqja të vijë kudo.”, u shpreh një banore e Rusisë.

 

“Lufta dhe armiqësitë të mbarojnë dhe të gjithë të kthehen në shtëpi. Dhe sigurisht, dua të kem lumturi personale dhe lumturi për fëmijët.”, tha një banore e Rusisë.

 

Një ditë më parë, në plazhet e Sheveningenit pranë Hagës, u ndez zjarr tradicional dhe më pas kishte shfaqe spektakolare të fishekzjarreve. Franca do të mirëpresë natën e Vitit të Ri me një prani të shtuar të policisë në Paris për shkak të siç thanë autoritetet, kërcënimeve të larta terroriste, për shkak të zhvillimeve në Izrael dhe Palestinë.