LSDM: Qeveria rriti pagat në të gjithë sektorët

 

“Në sektorin e mbrojtjes, një ushtar profesionist gjatë kohës së qeverisjes së DPMNE-së në vitin 2016-të ka marrë 22 mijë denarë. Me LSDM-në në vitin 2022, të ardhurat mujore të ushtarëve u rritën ndjeshëm, në mbi 36 mijë denarë. Në vitin 2023, ushtarët profesionistë fituan të ardhura më të mëdha, gjithsej 35 mijë denarë. Nga qeverisja e VMRO-së dhe e LSDM-së ka dallim, bëhet fjalë për 100% rritje.”, - deklaroi deputeti i LSDM-së, Mile Taleski. 

 

 

Nga VMRO-ja e konsiderojnë dyfytyrësi qëndrimin e LSDM-së duke u lëvduar për rritje pagash prej 1 mijë denarë, ndërkohë që heshtin për rritjen e pagave të funksionarëve për 400 euro. Sipas partisë së Mickoskit, pushteti ka realizuar vetëm 20% nga premtimet e dhëna. Akuza drejtuan për margjinalizimin e shëndetësisë.

 

“Premtimet kanë mbetur vetëm në letër. Projektet epokale që asnjëherë nuk janë realizuar, sot janë sinonim i gënjeshtrave, manipulimeve dhe mos punimit në këto shtatë vite, si dhe margjinalizim të këtij resori. Premtuan përditësim të listës pozitive, ndërkaq nuk ka asnjë lajm nga ilaçet e reja të listës pozitive. Për momentin në klinikat më të rëndësishme mungojnë ilaçet bazike.”, - theksoi Igor Nikollov nga VMRO-DPMNE.

 

Sipas vlerësimeve të VMRO-së, përderisa në Maqedoni ekonomia është rritur për 20%, në shtetet  e rajonit sikurse Shqipëria, zhvillimi ekonomik është dyfishuar për 52%, njashtu edhe në Serbi me 50%, ndërkaq në Bullgari për 64%.