Gazë, po shtohet frika për zgjerimin e konfliktit

 

“Unë paralajmëroj regjimin sionist për këtë krim dhe krimet e tjera që po bëni, ju do të paguani një çmim që do t’ju bëjë të pendoheni shumë.”, - deklaroi presidenti i Iranit, Ibrahim Raisi.

 

Uashingtoni tha se nuk ka arsye për t’u besuar se Izraeli ishte i përfshirë. Sekretari i shtetit, Blinken, sërish në vizitë në Lindjen e Mesme, pasi kërcënimi i përhapjes së konfliktit bëhet gjithnjë e më i sigurt.

 

“Ne nuk kemi asnjë arsye të besojmë se Izraeli ishte i përfshirë në këtë shpërthim. Ne jemi të shqetësuar për rrezikun e përhapjes së konfliktit. Sekretari po angazhohet në diplomaci më intensive në një përpjekje për të mos eskaluar situata.", - theksoi zëdhënësi i Departamentit të shtetit, Metju Miler. 

 

Në të njëjtën kohë, Izraeli po hakmerret ndaj sulmeve të shpeshta të Hezbollahut nga Libani.

 

"Kushdo që mendon të shkojë në luftë kundër nesh, thjesht do të pendohet. Deri më tani, ne kemi qenë të vëmendshëm ndaj situatës në Liban dhe interesave kombëtare libaneze, kështu që nëse bëhet një luftë kundër Libanit, atëherë ne jemi të detyruar të luftojmë deri në fund pa asnjë kufizim.”, - u shpreh lideri i Hezbollahut, Saijed Hasan Nasrallah.

 

Luftimet e ashpra vazhdojnë në Gazën qendrore dhe jugore. Izraeli me një metodologji të re në pushtimin e qytetit të dytë më të madh, Kan Junis.

 

"Ne po përdorim mjete të klasifikuara dhe të reja në këtë operacion që do ta bëjmë tërësisht deri ne fund, derisa të arrijmë në të gjitha vendet që duhet të shkojmë. Kjo është një luftë kundër terroristëve - nën tokë dhe mbi tokë. Ne do të vazhdojmë të zgjerojmë këtë operacion.”, - theksoi zëdhënësi i Forcave të Mbrojtjes të Izraelit, Daniel Hagari. 

 

Kreu evropian i diplomacisë, Borrell, paralajmëroi se e gjithë Lindja e Mesme mund të përfundojë në flakë. Ai i bëri thirrje komunitetit ndërkombëtar që të imponojë një zgjidhje për konfliktin mes Izraelit dhe Hamasit, pasi të dyja palët nuk mund të arrijnë një marrëveshje.